volver

1 v t Facer xirar algo cambiándoo de posición.
2 v t Poñer algo do revés.
3 v t Facer que algo ou alguén pase de ser dunha maneira a outra diferente.
4 v t Facer que algo ou alguén mude a outra cousa diferente.
5 v t Facer algo outra vez.
6 v t Ocorrer algo outra vez.
7 v t Devolver algo a alguén.
8 v i Retornar a un lugar onde xa se estivo ou de onde se partiu.
9 v pron Oporse a alguén.
10 v pron Volver + infinitivo Alterarse algo ou alguén de maneira progresiva pasando a ser doutro xeito.

Hello, it's me! Levaba 4.934 días sen pasar por aquí. Moitas cousas; un Erasmus, unha Séneca, dez mudanzas en oito cidades diferentes, doce traballos aquí e acolá, unha pandemia... Tremendo combo, se me preguntan. Canto durará isto de volver? Será só un recuncho para escapar da ditadura de Musk? Veremos en que queda o conto.

maleta

s f Caixa ríxida ou flexible de coiro, lona, plástico, madeira ou metal, con asa e peche, destinada a levar roupa ou outros efectos.

a caixa xa está case chea. de roupa e doutras historias que non ocupan espazo, pero que tamén merecen vir comigo para aló arriba. mañá comeza outro capítulo.

mudanza

1 s f Cambio dunha cousa ou persoa que pasa a ser distinta do que era ou que deixa de estar como estaba
2 s f Acción de trasladar mobles ou outras cousas dun lugar para outro.

as fogueiras de San Xoán danlle paso a unha nova estación, e tamén serven para despedir por un tempo a cidade que me acolleu durante estes dous últimos anos. remata outro capítulo. o próximo cambiará de escenario, haberá novos personaxes e teremos diálogos plurilingües. a non perder

metro

s m Ferrocarril destinado ao transporte rápido, de percorrido xeralmente subterráneo, que é frecuente nas grandes cidades.

si, tamén hai outro metro. e non, non son enxeñeiro, nin Pontevedra é unha gran cidade que digamos, pero con imaxinación, paciencia e Illustrator logo se monta un para cumplir cos traballos académicos.